Главная » Мордовия - Локомотив на эрзянском
2012-07-24 00:00:00
Мордовия - Локомотив на эрзянском
Саранскойсэ ютась васенце эрзямокшонь футболонь историясо премьер-лигань налксема. Мезе кортамс, эряволь варштамс лия команданть лангс ды содамс, кодамо сонзэ виезэ.
Москов ошонь «Локомотивесь» сась Саранскоев од ломань марто: Самедов, Чорлука ды прявт тренерэсь Славен Билич.
Москов ошонь «Локомотивесь» сась Саранскоев од ломань марто: Самедов, Чорлука ды прявт тренерэсь Славен Билич.
Валске мартосто саезь кодамояк пертьпельксэнь полавтовома эзь учово, калясь чись, ансяк чикуншкасто ушодсь петнеме вишка пиземине, конась вастовомань ушодомсто теевсь алкуксонь пиземекс.
Налксемась ушодовсь саранскоень команданть атакасто, ансяк те мезеяк эзь кандо. «Локомотивесь» эзь максне кошт «Мордовиянь» налксицятненень ды эзь максо ютамс эсь ортатнень малас. Тень лангс апак вано Фёдор Щербаченконь налксицянзо мусть мель, кода панжомс Мирослав Лобанцевень ортанзо. 17-це минутасто Кирилл Панченко мазыйстэ васолдо кучизе осканть ортатненень. Ды тесэ аволь бу минсенектненень ушодомс налксемс результат лангс, покшолгавтомс счётонть, кода Дмитрий Торбинский чавсь оска ды ризнэвтизе Юрченконь, теизе счётонть вейкекс. «Мордовиясь» васенце нолдазь оскадонть мейле эзь кенере варштамо, кода Павлюченко керш пильгсэ макссь пас ды Оздоев пансь омбоце оска – 1:2.
5 минутань ютазь угловоенть налксемадо мейле Роман Павлюченко кепедизе осканть штрафнойс, косо се муизе ведран Чорлукань прянзо. Чорлука чавсь колмоце оска – 1:3. Мон арсезевинь: «Мезе идеманть марто, а чарькодян». Омбоце пельксэсь ушодовсь минсенектнень атакасто. Арсезевинь: «Аволь ли «Локомотивень» налксицятне 15 минутань перть сёрмадсть контрактт «Мордовиянть» марто???». Нама, те пейдема, ансяк саранскоень командась оймамодо мейле седе виевгадсь, налксемась тусь седе парсте. Тесэ монень лецтявсь «Жемчужинань» марто мелень иень налксемась. Московонсетне седе пек ушодсть лепштямо «Мордовиянть», ансяк минсенектнень идемась седеяк виевгадсь. Эсест оскаст эзизь чаво кода Павлюченко, истя Обиннаяк. Эряви меремс, меельценть кедьстэ Юрченко саизе осканть мик пильге лангсто.
62-це минутасто «Мордовиясь», конанть пансть икелев ламо сэредицянзо, угловойде мейле чавсь оска «Локомотивень» ортас. Счётось кармась 2:3, ды «Мордовиясь» нолдась од виев налксицят: васня Концедаловонь, а мейле Кузнецовонь. Минек налксицятне кармасть молеме икелев. Инжетне жо, мекевланк, ушодсть манявкшномо, налксеме беряньстэ. Зярдо полавтызь Павлюченконь, ваныцятне вешксть лангозонзо.
87-це минутасто аволь спортонь ветямонь кисэ паксясто панезель Магомед Оздоев. Ды Фёдор Щербаченконь налксицянзо седеяк пек ушодсть лепштямо «Локомотивенть». Ансяк кенярксось те чистэ ульнесь Лобанцевень пеле. Весе ваныцятнень, «Локомотивень» сэредицятнеде башка, ульнесь мелест: «Панеде, цёрат!». 5 максозь минутатне мезеяк эзть максо саранскоень цёратненень – 2:3. Ваныцятне цяпасть эсь налксицяст туртов ды рангсть: «Молодцы! Вадря!». Мон арсян минсенектне эзть изня секс, мекс тренерэнь сэдненть лангсо арасель дисквалифицировазь Щербаченко. Куш васенце пачалксесь эзь лисе, ялатеке весе оштё икеле.
Налксемась ушодовсь саранскоень команданть атакасто, ансяк те мезеяк эзь кандо. «Локомотивесь» эзь максне кошт «Мордовиянь» налксицятненень ды эзь максо ютамс эсь ортатнень малас. Тень лангс апак вано Фёдор Щербаченконь налксицянзо мусть мель, кода панжомс Мирослав Лобанцевень ортанзо. 17-це минутасто Кирилл Панченко мазыйстэ васолдо кучизе осканть ортатненень. Ды тесэ аволь бу минсенектненень ушодомс налксемс результат лангс, покшолгавтомс счётонть, кода Дмитрий Торбинский чавсь оска ды ризнэвтизе Юрченконь, теизе счётонть вейкекс. «Мордовиясь» васенце нолдазь оскадонть мейле эзь кенере варштамо, кода Павлюченко керш пильгсэ макссь пас ды Оздоев пансь омбоце оска – 1:2.
5 минутань ютазь угловоенть налксемадо мейле Роман Павлюченко кепедизе осканть штрафнойс, косо се муизе ведран Чорлукань прянзо. Чорлука чавсь колмоце оска – 1:3. Мон арсезевинь: «Мезе идеманть марто, а чарькодян». Омбоце пельксэсь ушодовсь минсенектнень атакасто. Арсезевинь: «Аволь ли «Локомотивень» налксицятне 15 минутань перть сёрмадсть контрактт «Мордовиянть» марто???». Нама, те пейдема, ансяк саранскоень командась оймамодо мейле седе виевгадсь, налксемась тусь седе парсте. Тесэ монень лецтявсь «Жемчужинань» марто мелень иень налксемась. Московонсетне седе пек ушодсть лепштямо «Мордовиянть», ансяк минсенектнень идемась седеяк виевгадсь. Эсест оскаст эзизь чаво кода Павлюченко, истя Обиннаяк. Эряви меремс, меельценть кедьстэ Юрченко саизе осканть мик пильге лангсто.
62-це минутасто «Мордовиясь», конанть пансть икелев ламо сэредицянзо, угловойде мейле чавсь оска «Локомотивень» ортас. Счётось кармась 2:3, ды «Мордовиясь» нолдась од виев налксицят: васня Концедаловонь, а мейле Кузнецовонь. Минек налксицятне кармасть молеме икелев. Инжетне жо, мекевланк, ушодсть манявкшномо, налксеме беряньстэ. Зярдо полавтызь Павлюченконь, ваныцятне вешксть лангозонзо.
87-це минутасто аволь спортонь ветямонь кисэ паксясто панезель Магомед Оздоев. Ды Фёдор Щербаченконь налксицянзо седеяк пек ушодсть лепштямо «Локомотивенть». Ансяк кенярксось те чистэ ульнесь Лобанцевень пеле. Весе ваныцятнень, «Локомотивень» сэредицятнеде башка, ульнесь мелест: «Панеде, цёрат!». 5 максозь минутатне мезеяк эзть максо саранскоень цёратненень – 2:3. Ваныцятне цяпасть эсь налксицяст туртов ды рангсть: «Молодцы! Вадря!». Мон арсян минсенектне эзть изня секс, мекс тренерэнь сэдненть лангсо арасель дисквалифицировазь Щербаченко. Куш васенце пачалксесь эзь лисе, ялатеке весе оштё икеле.
Данильчев Александр (Зинёронь Сантяй), fcmordovia.com сайтонтень
